1921 оны Ардын хувьсгалын дараа Монгол Улс шинэ нийгмийн тогтолцоог байгуулж эхэлсэн үед боловсрол, соёл, хүүхэд залуучуудын хүмүүжилд онцгой анхаарал хандуулж байв. Энэ үед хүүхдүүдийг эх оронч, боловсролтой, хөдөлмөрч иргэн болгон төлөвшүүлэх зорилгоор тусгай байгууллага байгуулах шаардлага гарчээ. Иймээс 1925 оны 5 сарын 8-нд анхны хүүхдийн байгууллага болох “Хойчийг залгамжлагч багачуудын холбоо” байгуулагдсан байна. Энэ байгууллага нь тухайн үеийн хүүхэд багачуудыг: * бичиг үсэг сурах, * эв нэгдэлтэй байх, * хөдөлмөрт дуртай болох, * эх орноо хайрлах, * сахилга баттай хүмүүжихэд чиглүүлдэг байжээ. Энэ өдрийг Монголын хүүхдийн байгууллагын үүсэл хөгжлийн эхлэл хэмээн үздэг бөгөөд жил бүр хүүхэд, өсвөр үеийн байгууллагууд түүхээ дурсаж, олон арга хэмжээ зохион байгуулдаг. “Хойчийг залгамжлагч багачуудын холбоо” нь дараа нь: * Пионерын байгууллага, * Монголын Хүүхдийн байгууллага, * өнөөгийн хүүхэд, залуучуудын хөдөлгөөнүүд болон өргөжин хөгжсөн түүхтэй. Өнөөдөр энэхүү түүхт өдрийг тохиолдуулан хүндэтгэл, дурсгал, талархлын илэрхийлэл болгон цэцэг өргөх ёслолын үйл ажиллагаа боллоо. Аль ч улс орны ирээдүй бол хүүхэд, багачууд билээ. Хүүхэд бүр аз жаргалтай, бүрэн дүүрэн амьдрах боломжийг бүрдүүлэхийн төлөө ажилласаар ирсэн та бүхэндээ Монгол улсад хүүхдийн төлөө байгууллага, хөдөлгөөн үүсэж хөгжсөний 101 жилийн түүхт ойн өдрийн мэндийн хүргэе💐

👨‍👩‍👧‍👦 Олон улсын гэр бүлийн өдрийг угтан гэр бүлийн үнэ цэнэ, хамтын амьдралын утга учир, эцэг, эхийн үүрэг хариуцлагыг таниулах үр хүүхдээ хөдөлмөрч, шударга, ёс суртахуунтай иргэн болгон төлөвшүүлж, хүмүүжүүлж байгаа гэр бүлийг онцолж шалгаруулж алдаршуулах зорилгоор Баянгол дүүргийн “ОНЦЛОХ ГЭР БҮЛ”-ийн материалыг хүлээн авч байна. 📩 📍 Нэгдүгээр шат: Хороод бүр дотоод ажлын хэсэг байгуулж: 📋 Шалгаруулалтын төрөл, үзүүлэлтийн дагуу шалгуур хангасан гэр бүлүүдийг сонгон шалгаруулж 2026 оны 05 дугаар сарын 12-ны дотор Хүүхэд, гэр бүлийн хөгжил, хамгааллын хэлтэст материалыг ирүүлнэ. 📍 Хоёрдугаар шат: Баянгол дүүргийн Хүүхэд, гэр бүлийн хөгжил, хамгааллын хэлтсийн ажлын хэсэг: 📅 2026 оны 05 дугаар сарын 13-ны өдөр 🗂 Хороодоос ирүүлсэн материалд үндэслэн шалгаруулалт явуулж 🏆 Төрөл тус бүрд шилдэг гэр бүлүүдийг тодруулан, алдаршуулах арга хэмжээг зохион байгуулна. 📎 Бүрдүүлэх материал: 📝 Гэр бүлийн гишүүдийн амжилтын танилцуулга 📄 Амжилтыг нотлох баримт бичиг, гэрчилгээ, шагналын хуулбар

Хүүхэд бол нийгмийн хамгийн эмзэг, хамгийн их анхаарал, хайр, хамгаалал шаарддаг бүлэг. Харин эдгээр бяцхан иргэдийн аюулгүй, эрхээ эдэлсэн, аз жаргалтай орчинд өсөж бойжих нөхцөлийг хангахын төлөө чимээгүй боловч тууштай зүтгэж яваа хүмүүс бол “Хүүхэд хамгаалагчид” юм. Монгол Улсад 2019 оноос эхлэн хэрэгжиж буй “Хүүхэд хамгаалагч” төсөл нь хүүхдийг хүчирхийлэл, үл хайхрал, осол гэмтлээс урьдчилан сэргийлэх, орон нутгийн түвшинд эрсдэлийг эрт илрүүлэх, хамгаалалтыг шуурхай зохион байгуулахад чиглэсэн бодит ажлын нэг болж, өнөөдөр ч амжилттай үргэлжилж байна. Энэ төслийн хүрээнд олон жилийн туршлагатай, тэтгэвэртээ гарсан ахмад ажилтан, цагдаа, багш, эмч нар дахин нийгмийн сайн сайхны төлөө нэгджээ. Тэдний үүрэг бол хорооны нутаг дэвсгэрт хүүхдүүдийн орчныг ажиглах, эрсдэлтэй нөхцөл байдлыг эрт илрүүлэх, холбогдох байгууллагад мэдээлэх, мөн хүүхдүүдэд ээлтэй, аюулгүй орчин бүрдүүлэхэд оршин суугчидтай хамтран ажиллахад оршдог юм. Төсөл хэрэгжсэнээр 2019–2020 онд нийт 200 гаруй хүүхэд хамгаалагч нийслэл болон орон нутгийн хэмжээнд ажиллаж, 150,000 гаруй хүүхдийг хяналтад хамруулсан байна. Зөвхөн 2019 онд гэхэд 12 хүүхдийн хүчирхийллийн тохиолдлыг шуурхай илрүүлж, 180 гаруй хүүхдийг эрсдэлт орчноос хамгаалжээ.

📌ХИЧЭЭЛИЙН ХЭРЭГСЭЛ, ЦҮНХНИЙ ДЭМЖЛЭГ ҮЗҮҮЛЛЭЭ. 🎒📖"Хичээл эхэллээ" аяны хүрээнд 2025-2026 оны хичээлийн шинэ жил эхлэж буйтай холбогдуулан дүүргийн ерөнхий боловсролын сургуульд суралцаж буй зорилтот бүлгийн хүүхдүүддээ эргэн хяналт тавих ажлыг зохион байгуулан ажиллаа. 📖📒Хороодын хүүхэд, гэр бүлийн нийгмийн ажилтнаар дамжуулан 200 хүүхдэд сурч боловсрох эрхийг нь хангах зорилгоор хичээлийн хэрэгсэл, цүнхний дэмжлэг үзүүллээ. 📖📝🖋 #Хүүхэд_хайр_ирээдүй #Нэгдүгээрт_Хүүхэд #хичээлэхэллээ