📌 “Өсвөрийн Парламент-2025” хөтөлбөрийн хаалтын арга хэмжээ 2026 оны 05-р сарын 22,23-нд Улаанбаатар хотод зохион байгуулагдаж өндөрлөлөө🇲🇳 🎓 Хөтөлбөрт улс орон даяарх 21 аймаг, Улаанбаатар хотын 9 дүүргээс нийт 126 сурагч сонгон шалгарсан юм. Уг хөтөлбөрт Баянгол дүүргээс: - НЕБ-ын 51-р сургуулийн 11-р ангийн сурагч М.Анар - НЕБ-ын 51-р сургуулийн 11-р ангийн сурагч Г.Ангараг - НЕБ-ын 51-р сургуулийн 11-р ангийн сурагч Г.Намуундарь - НЕБ-ын 93-р сургуулийн 11-р ангийн сурагч Н.Жаргалан - НЕБ-ын Оюуны тулга сургуулийн 12-р ангийн Х.Нандинхишиг - НЕБ-ын ЭӨС-сургуулийн 11-р ангийн Т.Цэндхорол нар амжилттай оролцлоо

🏟️ Хөгжлийн бэрхшээлтэй хүүхдүүдийн бие бялдрыг чийрэгжүүлэх, нийгэмшүүлэх, спортоор дамжуулан тэдэнд урам зориг өгөх зорилготой спорт наадам зохион байгуулагдлаа. Тус арга хэмжээг Баянгол дүүргийн Хүүхэд, гэр бүл хөгжил, хамгааллын хэлтэс, дүүргийн Биеийн тамир, спортын хороо болон тусгай хэрэгцээт боловсрол олгодог 🏫 70 дугаар сургуулийн хамт олон хамтран зохион байгуулсан юм. Хөгжлийн бэрхшээлтэй хүүхдүүдийн хувьд бие махбод болон танин мэдэхүйн өвөрмөц онцлогоос шалтгаалан орон зайн баримжаа алдагдах, орчиндоо дасан зохицох чадвар сулрах, анхаарал төвлөрөлт сарних зэрэг бэрхшээлүүд нийтлэг ажиглагддаг тул энэхүү 💫 наадам нь зөвхөн тэмцээн уралдаан гэхээсээ илүү сэргээн засах, сэтгэл зүйн өндөр ач холбогдолтой ажил болж юм. Спорт наадмыг хүүхдүүдийн хөдөлгөөний дутагдлыг нөхөх, зай ба хүчийг хэмжиж сургах, мэдрэмжийг сайжруулахад чиглэсэн ⛳️ спортын зургаан үндсэн төрлөөр зохион байгуулсан бөгөөд тамирчин хүүхдүүд өөрсдийн хариу үйлдлийн хурд, анхаарал төвлөрөлт, тэвчээр хатуужлаа сорин өрсөлдөв. Тэмцээний явцад хүүхдүүд үе тэнгийнхэнтэйгээ баг болон хамтран ажилласнаар тусгаарлагдмал байдлаа даван туулж, нийгэмших, өөртөө итгэх итгэлээ сэргээх бодит боломж бүрдсэн юм. Тэмцээн тус бүрд авьяас чадвар, хурд хүчээрээ тэргүүлж, эхний гурван байр 🏅 эзэлсэн тамирчдыг шагнаж урамшуулав

1921 оны Ардын хувьсгалын дараа Монгол Улс шинэ нийгмийн тогтолцоог байгуулж эхэлсэн үед боловсрол, соёл, хүүхэд залуучуудын хүмүүжилд онцгой анхаарал хандуулж байв. Энэ үед хүүхдүүдийг эх оронч, боловсролтой, хөдөлмөрч иргэн болгон төлөвшүүлэх зорилгоор тусгай байгууллага байгуулах шаардлага гарчээ. Иймээс 1925 оны 5 сарын 8-нд анхны хүүхдийн байгууллага болох “Хойчийг залгамжлагч багачуудын холбоо” байгуулагдсан байна. Энэ байгууллага нь тухайн үеийн хүүхэд багачуудыг: * бичиг үсэг сурах, * эв нэгдэлтэй байх, * хөдөлмөрт дуртай болох, * эх орноо хайрлах, * сахилга баттай хүмүүжихэд чиглүүлдэг байжээ. Энэ өдрийг Монголын хүүхдийн байгууллагын үүсэл хөгжлийн эхлэл хэмээн үздэг бөгөөд жил бүр хүүхэд, өсвөр үеийн байгууллагууд түүхээ дурсаж, олон арга хэмжээ зохион байгуулдаг. “Хойчийг залгамжлагч багачуудын холбоо” нь дараа нь: * Пионерын байгууллага, * Монголын Хүүхдийн байгууллага, * өнөөгийн хүүхэд, залуучуудын хөдөлгөөнүүд болон өргөжин хөгжсөн түүхтэй. Өнөөдөр энэхүү түүхт өдрийг тохиолдуулан хүндэтгэл, дурсгал, талархлын илэрхийлэл болгон цэцэг өргөх ёслолын үйл ажиллагаа боллоо. Аль ч улс орны ирээдүй бол хүүхэд, багачууд билээ. Хүүхэд бүр аз жаргалтай, бүрэн дүүрэн амьдрах боломжийг бүрдүүлэхийн төлөө ажилласаар ирсэн та бүхэндээ Монгол улсад хүүхдийн төлөө байгууллага, хөдөлгөөн үүсэж хөгжсөний 101 жилийн түүхт ойн өдрийн мэндийн хүргэе💐

👨‍👩‍👧‍👦 Олон улсын гэр бүлийн өдрийг угтан гэр бүлийн үнэ цэнэ, хамтын амьдралын утга учир, эцэг, эхийн үүрэг хариуцлагыг таниулах үр хүүхдээ хөдөлмөрч, шударга, ёс суртахуунтай иргэн болгон төлөвшүүлж, хүмүүжүүлж байгаа гэр бүлийг онцолж шалгаруулж алдаршуулах зорилгоор Баянгол дүүргийн “ОНЦЛОХ ГЭР БҮЛ”-ийн материалыг хүлээн авч байна. 📩 📍 Нэгдүгээр шат: Хороод бүр дотоод ажлын хэсэг байгуулж: 📋 Шалгаруулалтын төрөл, үзүүлэлтийн дагуу шалгуур хангасан гэр бүлүүдийг сонгон шалгаруулж 2026 оны 05 дугаар сарын 12-ны дотор Хүүхэд, гэр бүлийн хөгжил, хамгааллын хэлтэст материалыг ирүүлнэ. 📍 Хоёрдугаар шат: Баянгол дүүргийн Хүүхэд, гэр бүлийн хөгжил, хамгааллын хэлтсийн ажлын хэсэг: 📅 2026 оны 05 дугаар сарын 13-ны өдөр 🗂 Хороодоос ирүүлсэн материалд үндэслэн шалгаруулалт явуулж 🏆 Төрөл тус бүрд шилдэг гэр бүлүүдийг тодруулан, алдаршуулах арга хэмжээг зохион байгуулна. 📎 Бүрдүүлэх материал: 📝 Гэр бүлийн гишүүдийн амжилтын танилцуулга 📄 Амжилтыг нотлох баримт бичиг, гэрчилгээ, шагналын хуулбар